Соёлын бүтээлч сарын 2024 аяны хүрээнд "Монгол кино нэгтгэл" ТӨҮГ-аас “Ерөнхий боловсролын сургуулийн төгсөх  ангийн сурагчдад мэргэжил сонгох суртчлах өдөрлөгийг зохион байгуулсан байна. Өдөрлөгт ерөнхий боловсролын 69, 52-р дунд сургууль болон “Олонлог” академийн 12 дугаар ангийн 120 гаруй сурагч оролцож кино үйлдвэрлэл, найруулга, зураг авалт, нүүр хувиргалт, дуу оруулалт зэрэг үйл ажиллагаатай танилцжээ. Мөн сурагчид кино найруулагч Б.Гарамхандтай уулзалт ярилцлага зохион байгуулж, "Алдагдсан өдрүүд" уран сайхны киног үзэж сонирхлоо. Энэхүү өдөрлөгийн арга хэмжээ энэ сарын 24-ний өдрийг хүртэл үргэлжлэх юм байна.