“БАЛДОРЖ” шагналт анхны редакц ЭРГЭЛТ.МН мэдээллийн сайтын хамт олон шинэ оны босгон дээр шилдэг бичлэгийн эздээ тодрууллаа. Улиран одож буй оны сүүлийн дөрвөн сард Монголын сэтгүүл зүйд мэргэжлийн мэдээллийн сайтын өнгө төрхийг бий болгох үйлсэд оюун санаа, мэдрэмж, эрэл хайгуул, зогсолтгүй хөдөлмөрөө дайчлан зүтгэж, улс төр, нийгмийг шуугиулж, уншигчдын таашаалд нийцсэн нийтлэл, ярилцлага, сурвалжилга бэлтгэсэн дараах сэтгүүлчид маань 2020 оны шилдэг шагналыг хүртэв.

Сэтгүүлч Д.Чанцалдулам "ШИЛДЭГ СЭТГҮҮЛЧ" боллоо

Хичээл зүтгэлийг авьяас, мэдрэмжтэй зөв хослуулан, цахим сайтын сэтгүүл зүйд эрэн сурвалжлах сэтгүүл зүйн жишгийг бүтээж яваа Дорж овогтой Чанцалдуламыг

 -Э.МӨНХГЭРЭЛ: ХУДАГТ БУЛУУЛСАН ЭЭЖИЙГЭЭ ОЛОХ ГЭЖ ДОЛООН ЖИЛ ДҮҮ БИД ХОЁР АМЬДЫН ТАМД БАЙЛАА,

 -10 НАСТАЙ ТАЛИЙГААЧ ОХИНЫ ЭЭЖ Х.УРАННАВЧ: 22-ЫН ТОВЧООНЫ ЦААНА ОХИН МИНЬ АМЬСГАЛЫН АППАРАТТАЙ ГУРВАН ЦАГ ТАРЧИЛСАН,

-КОРОНАВИРУСИЙН ХАЛДВАРТАЙ ИРГЭН Д.МӨНХБАТ:ВИРУС “ЭНХСАРАН” СУВИЛЛЫН ХАЛУУН УСНЫ ГАЗРААС АЖИЛЧДААР НЬ ДАМЖИЖ, ИРГЭДЭД ХАЛДВАРЛАСАН” тэргүүтэй ярилцлага, сурвалжилгуудыг бусдаас түүчээлэн, ул суурьтай  туурвисан тул 2020 оны “ШИЛДЭГ СЭТГҮҮЛЧ”-ээр тодруулав.  

Сэтгүүлч Б.Цогтбаяр “ШИЛДЭГ БИЧЛЭГ”-ийн эзэн болов

Үгийн урыг ухааны цартай зөв хослуулан, цахим сайтын сэтгүүл зүйд нийтлэлийн жишгийг бүтээж яваа Баатарцогт овогтой Цогтбаярт

 -НЯЛХ ҮРЭЭ ТЭВРЭЭД, 50 КИЛОГРАММ САМАР ҮҮРЭЭД УУЛАНД ЯВЖ БАЙГАА ЭМЭГТЭЙГ ХАРАХ ХАМГИЙН ХЭЦҮҮ БАЙЛАА,

-УГСРАА МЭХТЭЙ Ч ГАР НЬ ДӨНГӨТЭЙ, ХӨЛ НЬ ТУШААТАЙ Х.БАТТУЛГА,

 -ЯДАРСАН ИРГЭНДЭЭ БИШ, ЯМААНД МӨНГӨ ЗАРЦУУЛДАГ ЗАСГИЙН ГАЗАР,

-МАН-Д ЗАНГАРАГ, АН-Д ДАРГА ХЭРЭГТЭЙ БАЙНА тэргүүтэй даацтай нийтлэл,

-УЛААН ЧУЛУУТ ХОГИЙН ЦЭГТ ЦУСТАЙ ХУРУУ ШИЛ, ЗҮҮ ТАРИУР, ШИНЖИЛГЭЭНИЙ ДЭЭЖ, АМНЫ ХААЛТНЫ ХОГОН ОВОО БИЙ БОЛЖ, НОХОЙ, ШУВУУ ШАВЖ БАЙНА

-БОГД УУЛАНД ХУУЛЬ БУСААР ГАЗАР АВСАН Д.ӨНӨРБОЛОРЫГ ШАЛГАЖ ЭХЭЛЖЭЭ” зэрэг цуврал бүтээл туурвиж, хөндсөн сэдвүүд нь төрийн байгууллагуудын шаардлагатай бодлого, шийдвэрт тусгагдсан тул 2020 ОНЫ “ШИЛДЭГ БИЧЛЭГИЙН ШАГНАЛ” хүртээв.

Гэрэл зурагчин Б.Намсрай “ЭРХЛЭГЧИЙН НЭРЭМЖИТ ШАГНАЛТАН” боллоо

Мэдрэмж, авьяас, хөдөлмөрөөрөө бусдыгаа үргэлж хошуучилж, хамт олондоо “ҮНЭ ЦЭН”-тэй, эрхэм хүн байсаар ирсэн Батсуурийн Намсрайд

-БАЛГАС ДОТОР АМЬДРАХ БЯЦХАН ҮРС,

-ГУТАЛ:НАЙЗ ШИГ ЭСВЭЛ ХУУРАМЧ НЭГЭН ШИГ,

-НАМАР+САМАР,

-ХАРЦ ЮУ ӨГҮҮЛДЭГ ВЭ,

-МЭС АЖИЛБАРЫН ӨРӨӨ БУЮУ ҮХЭЛ, АМЬДРАЛЫН ЗААГТ,

-УСАНД ЯВАХ ЗАМ ХОЛ, БАРТААТАЙ, БАС АЙДАСТАЙ,

-ЭЗЭДДЭЭ "ЯАРСАН" ЦЭЦЭГС” тэргүүтэй Монголын гэрэл зургийн талбарт шинэ мэдрэмж, залуу гэрэл зурагчдад эрэл, урам бэлэглэсэн агшнуудыг алдалгүй “аргамжиж” чадсаныг нь үнэлж, 2020 оны “ЭРХЛЭГЧИЙН НЭРЭМЖИТ ШАГНАЛ” хүртээв.

Зураглаач Э.Дашням “ШИЛДЭГ АЖИЛТАН” боллоо

  Уран бүтээлчийн гэгээлэг, цаг наргүй хөдөлмөрт оюун ухаан, сэтгэл зүтгэлээ бүрэн зориулж, бусдыгаа ямагт үлгэрлэн зүтгэхийн зэрэгцээ Гэрэл зураг, зураглаачдын нүсэр албыг түүртэх зүйлгүй хариуцан, шуурхай мэдээ мэдээллийг уншигч, үзэгчдэд цаг алдалгүй хүргэх үйлсэд хариуцлагатай ажиллаж ирсэн Энхболдын Дашнямд 2020 оны “ШИЛДЭГ АЖИЛТАН” шагнал хүртээв.

Оюутан сэтгүүлч А.Азсайхан  “ИРЭЭДҮЙТЭЙ ЗАЛУУ СЭТГҮҮЛЧ” болов

Сэтгүүл зүйн адармаатай замаар тууштай замнах хүсэл мөрөөдлөөр жигүүрлэж, мэргэжлийн хувьд богино хугацаанд сайжирч байгаа Алтанбаярын Азсайханд

-ЭНДИ: ЖИНХЭНЭ МЕТАЛЛ ХӨГЖМИЙН ХУВЬД БИ ХИЙДГЭЭ ХИЙСЭН. ГЭХДЭЭ "ЗАГАЛМАЙЛСАН ЭЦЭГ" ГЭХ НЭРЭЭ СҮҮЛД ӨГВӨЛ ЗОХИЛТОЙ,

-АРДЫН ДУУЧИН Б.АЛТАНЖАРГАЛ: БИ ЧИНЬ ӨВӨӨ, ЭМЭЭГИЙН ХҮҮХЭД ШҮҮ ДЭЭ,

-Б.ХОНГОРЦОГ: ХҮНД ТААГҮЙ, ТУХГҮЙ МЭДРЭМЖ ТӨРҮҮЛЖ ЧАДСАНААРАА МИНИЙ СЭТГЭЛ ХАНАЖ, ЗОРИЛГО БИЕЛЭХ ШИГ БОЛДОГ,

-ДУРСАМЖААС УНШИХУЙ ХҮРТЭЛ” тэргүүтэй сонирхолтой ярилцлага, хүүхэд, залуусын сонирхон уншдаг содон тэмдэглэлүүдийг тасралтгүй бэлтгэн хүргэснийг нь үнэлж, 2020 оны “ИРЭЭДҮЙТЭЙ ЗАЛУУ СЭТГҮҮЛЧ” шагнал хүртээв.

ЭРГЭЛТ.МН мэдээллийн сайтыг “ҮҮСГЭН БАЙГУУЛАГЧ”-ийн тэмдгийг Э.Эрдэнэцэцэг, Б.Бадралмаа нар хүртлээ

Монголын цахим мэдээллийн ертөнцөд мэргэжлийн сэтгүүл зүйн ур чадвар, нийтлэлийн өнгө төрх, эрэл хайгуул, бодит үнэний дуу хоолой болохоор нэгдсэн үүсгэн байгуулагчдаас манай Хариуцлагатай редактор Эрдэнэцогтын Эрдэнэцэцэг, Бат-Эрдэнийн Бадралмаа нар Эргэлт.мн мэдээллийн сайтын “ҮҮСГЭН БАЙГУУЛАГЧ”-ийн үнэмлэх бүхий тэмдгийн анхны эзэд боллоо.