Жил бүр зохион байгуулагддаг “Мөнгөн мод” наадмын шилдгүүд тодорсоор байна. 14 дэх жилдээ зохион байгуулагдаж буй тус наадмын Шилдэг удирдаачаар Улсын филармонийн удирдаач Д.Түвшинсайхан тодорлоо.

 Тэрбээр “Монгол Улсын морин хуурын чуулганы 30 жилийн түүхэн хугацааны хөдөлмөр пянзанд багтсан. Та бүхний сайн мэдэх Н.Жанцанноровын  "Цагаан суварга" бүтээл 1993 онд бичигдсэн тэр хэвээрээ энэ пянзанд орсон. Энэ шагнал бол ирэх 30 жилд, бүтэн жаран болоход биднийг илүү хүчтэй ажиллуулах ташуур гэж ойлгож байна, баярлалаа” гэв.