НҮБ-аас 1947 оны аравдугаар сарын  11-ний өдөр баталсан Дэлхийн цаг уурын конвенцын хүрээнд 1950 оны гуравдугаар  сарын 23-нд Дэлхийн цаг уурын байгууллага анх байгуулагдаж байжээ. Ийнхүү энэ өдрийг жил бүр дэлхийн цаг уурын өдөр хэмээн тэмдэглэх болсон юм.

Швейцарын Женев хотод төвтэй ДЦУБ нь 193 гишүүнтэй бөгөөд Монгол Улс 1963 оны дөрөвдүгээр  сарын 04-нд тус байгууллагын албан ёсны, бүрэн эрхт гишүүн орон болжээ.

    Энэ өдөр цаг уурын байгууллагын ажилтнууд туршлагаа солилцох, шинэ ололт амжилтуудаа хуваалцах, дэлхий даяар үүсээд байгаа цаг ууртай холбоотой асуудлуудаар эрдэм шинжилгээний хурал зохион байгуулах, олон нийтэд цаг уурын өөрчлөлтийн талаар мэдээ мэдээлэл өгөх зэргээр тэмдэглэн өнгөрүүлдэг байна. Энэхүү өдрийн гол зохион байгуулагч нь НҮБ-ын дэргэдэх Дэлхийн Цаг Уурын Байгууллага /World Meteorological Organization/ юм.