Нүүрсний хулгайтай тэмцэж буй иргэдийн жагсаал дөрөв дэх өдрөө үргэлжилж байна. Тэгвэл Хууль зүй дотоод хэргийн сайд Х.Нямбаатарт тэмцэгчид албан шаардлага хүргүүллээ. Энэхүү албан шаардлагыг жүжигчин У.Цогтбаяр танилцуулахдаа “Бид нэг л шаардлагыг хүргүүллээ. Маргааш 12:00 цаг гэхэд төв талбайд олон нийтийн өмнө нүүрсний хулгайчдын нэрсийг зарлахгүй бол тэмцэгчид тэмцлийн дараагийн хэлбэрт шилжинэ. Мөн залуус бид МАН-ын удирдлагууд өөрсдөө энэ хэрэгт холбоотой гэж хардаж байна. Шалгалтын бүх ажиллагаа шилэн баймаар байна” гэв.