УИХ-ын дарга Г.Занданшатар цаг үеийн асуудлаар мэдээлэл хийлээ.

     Тэрбээр “Үнийн өсөлт, түгжрэл, амьжиргааны түвшин зэрэг нийгмийн нэн тулгамдсан асуудлыг шийдвэрлэх багц хуулийг боловсруулна.  Тухайлбал, эдийн засгийн реформ, нийгмийн бодлогын реформ, засаглал, улс төрийн шинэчлэлийн багц хуулийн шинэчлэл хийхээр УИХ-ын ажлын хэсэг байгууллаа. Сүүлийн 40 жилд болоогүй инфляци дэлхий дахинд болж байна. Үүнтэй холбоотойгоор гадаадын нөхцөл байдал нь манай улсад хүнд цохилт болж байна. Өрхийн бодит орлого буурч байна. Тиймээс үнийн өсөлт, вальютын ханш, экспорт, импорт, өрийн дарамтыг хэрхэн зөв зохистой давах ёстой вэ гэсэн эдийн засгийн цогц хуулийг боловсруулна. Мөн эдийн засгийн шинэчлэлийн хүрээнд 1.4 их наядын экспортын зээлийн асуудлыг шийднэ. Түүнчлэн хөрөнгө оруулалт хувийн хэвшлийг дэмжих багц хуулийг боловсруулахаар ажиллаж байна. Үүгээр хувийн хэвшлийг дэмжиж, аж үйлдвэржилтийг дэмжих, аялал жуулчлалын багц хуулийг тусгасан. Ингэснээр уул уурхайгаас гадна хувийн хэвшил, аж үйлдвэржилтээс хамааралтай эдийн засгийг бий болгоно” гэв.