Хөвсгөл аймгийн Рэнчинлхүмбэ сумын Далайн зах багийн нутаг Ар гол хэмээх газар өчигдөр 22:40 цагт 4.9 магнитудын хүчтэй газар хөдөлжээ. Тус сумын Засаг даргын орлогч болон тухайн газар нутагладаг малчид газар хөдлөлтийн чичирхийлэл иргэдэд мэдрэгдсэн бөгөөд учирсан хохиролгүй тухай мэдээлсэн байна. Мөн Дорноговь аймгийн Сайхандулаан сумын Жаргалант багийн нутаг Хөх дэл хэмээх газар өнөөдөр 00:15 цагт 5.5 магнитудын хүчтэй газар хөдөлсөн болохыг  ШУА-ийн ООГХ-ээс 00:18 цагт цахим шуудангаар ирүүлсэн байна.

     Тус сумын Засаг дарга болон иргэдээс тодруулахад газар хөдлөлтийн чичирхийлэл мэдрэгдсэн. Мөн Говьсүмбэр аймгийн Сүмбэр сум, Дундговь аймгийн Сайнцагаан суманд газар хөдлөлтийн чичирхийлэл мэдрэгдсэн бөгөөд хохирол учраагүй хэмээн мэдэгджээ.