Иргэд нүүрсний хулгайчидтай тэмцэх, хариуцлага тооцохыг эрх баригчдаас шаардаж, энэ сарын 4-нөөс Сүхбаатарын талбайд жагссан. Жагсаалын үеэр иргэд талбай дээрх гацуур шатааж, цонх хагалж, эсэргүүцлийн хурц хэлбэрт шилжсэн. Энэ талаар ЦЕГ-ын Хэвлэл мэдээллийн төвийн мэргэжилтнээс тодрууллаа. Тэрбээр “Гацуур шатаасан болон цагдаагийн постын цонх хагалсан хоёр иргэнээс мэдүүлэг авч, шалгалтын ажиллагааг үргэлжлүүлж байгаа. Харин жагсаалын үеэр үг хэлж, үзэл бодлоо илэрхийлсэн иргэдийг баривчилж, саатуулаагүй” гэв.