Нийслэлийн Налайх дүүргийн 208 дугаар цэцэрлэгийн эрхлэгч И.Өлзийсайхан албан тушаалаа ашиглан өөртөө давуу байдал бий болгосон гэх. Тэгвэл хэргийн талаар Налайх дүүргийн 208 дугаар цэцэрлэгийн эрхлэгч И.Өлзийсайханаас тодруулахад тэрбээр “Би одоогоор ямар давуу байдал бусдад бий болгосноо мэдэхгүй байна. Авлигатай тэмцэх газар луу очиж хийсэн хэргээ тодруулахаар явж байна. Өөр ямар ч мэдээлэл надад алга. Холбогдох албан тушаалтнуудтай уулзаж, ямар хэрэг хийснээ тодруулна” гэв. Харин тус хэргийг Авлигатай тэмцэх газраас шалгаж, шүүхэд шилжүүлэх саналтайгаар прокурорын байгууллагад хүргүүлжээ.