Хэвлэл мэдээлэл, сэтгүүл зүйн “Ган үзэг-2024” оны тэргүүн наадмын сайтын "Шилдэг редактор"-аар манай сайтын Нэвтрүүлэг, тоймчдын албаны сэтгүүлч, редактор А.Азсайхан шалгарлаа.

    Сэтгүүлч, редактор А.Азсайхан нь  “Оюунлаг эргэлт медиа групп”-ийн дэргэдэх Эргэлт.мн мэдээллийн сайтаас эрхлэн гаргасан "Эргэлт сэтгүүл"-ийн гурван дугаар, "Эргэлтийн номын сан" цуврал 10 боть ном, "Монголын шилдэг нийтлэл-88" дугаар боть бүхий хоёр дэвтэр сэтгүүл зүйн бүтээлүүдийг эмхтгэн, ариутган шүүж, гаргаснаас гадна Эргэлт.мн мэдээллийн сайтад нийтлэгдсэн цаг үеийн мэдээ, мэдээлэл, ярилцлага, сурвалжилга, нийтлэлийг тогтмол хянан тохиолдуулах үүргийг хариуцлагатай гүйцэтгэж байгаа юм.

       Түүнчлэн Эргэлт.мн мэдээллийн сайтын сэтгүүлчдийн хамтран гаргасан “Дөрвөн өөр намар” яруу найргийн түүврийг эмхтгэн, ариутган шүүж, өөрийн яруу найргийн дээжээс багтаасан юм.

         Мөн тэрбээр   даацтай сурвалжилга, ярилцлага, нийтлэл зэрэг сэтгүүл зүйн бүтээлүүдээрээ уншигчдын танил болж, сэтгүүлийн өнгө төрхийг тодорхойлж байна. Түүнчлэн сэтгүүлч А.Азсайхан дэлхий дахинд өрнөсөн цаг үеийн мэдээ, мэдээллийг орчуулан хүргэхээс гадна дэлхийн алдартнуудын ховор ярилцлага, дурсамж, тэмдэглэлийг “Ховор яриа” булангаараа орчуулан хүргэж, олны хүртээл болгосон билээ.

Түүний бүтээлүүүдээс дурдвал,

ДУРДАТГАЛ: МОНГОЛЧУУД МАРТСАН “МОНГОЛ УХААН” Б.ШИРЭНДЭВ ЭРДЭМТНИЙ ХӨШӨӨ РҮҮ ХАРЖ ЗОГСОХОД...

ЗЭЭЛ НЭРИЙДЛЭЭР ИРГЭДИЙН ХАЛААСЫГ ХООСЛОДОГ ЗЭЭЛИЙН АПП, ББСБ-УУДЫН ЭЗЭДТЭЙ ТАНИЛЦ цуврал сурвалжилга

Г.БАРСБОЛД: ХҮН ГУНИГ, ЭМЗЭГЛЭЛГҮЙ БОЛНО ГЭЖ БАЙДАГГҮЙ ЮМ БИШ ҮҮ. БУСДААС НУУЖ Л СУРДАГ БАЙХ

ГУНИГТ НҮҮДЭЛЧИН

ХАСАРЫН ХАСУЙ: Яруу найраг намайг хараачихсан юм шиг зүгээр байлгадаггүй

Б.БАТЗАЯА: НАМАЙГ ӨВЧНИЙ ТҮҮХЭЭС МИНЬ ИЛҮҮ СЭТГЭЦИЙН АСУУДЛУУД ЗОВООЖ БАЙНА

Д.НЯМХҮҮ: ХҮН ХЭЧНЭЭН ӨВДӨЖ, ШАНАЛЖ, ЗОВСОН Ч САЙН, САЙХАН БҮТЭЭЛ ГАРГАХЫГ ХҮСДЭГ ШҮҮ ДЭЭ

РЕВЬЮ: НҮЦГЭН ТЕАТР

ДОМГИЙН СЭТГЭЛГЭЭНИЙ ҮР ТАРИГЧ Ж.ОТГОНБАЯР БАГШ

ӨРНӨДИЙГ ЗОРЬСОН АНХНЫ 35 СУРАГЧИЙН ГУНИГТ ТҮҮХ

Ө.ҮЛЭМЖТӨГС: ЭРЭН СУРВАЛЖЛАХ СЭТГҮҮЛЧ, ОРОН НУТГИЙН АМЬДРАЛЫН ТУХАЙ РОМАНААРАА ӨГҮҮЛСЭН Ч БИ “ХОТЫН РАМПО” ХЭВЭЭРЭЭ

Ц.ДЭЛГЭРМАА: ЯРУУ НАЙРАГ МИНИЙ ШАШИН, ХАМГИЙН ЭРХ ЧӨЛӨӨТЭЙ ШАШИН

THE HU: БИД РОК ХӨГЖИМД ХҮННҮ РОК ГЭЖ ТУГАА ХАТГАСАН

ХАВАР БОЛЖ БАЙДАГ. С.НАЧИН БИД ХОЁР ЯРИЛЦААД Л, ЯРИЛЦААД Л БАЙЛАА

ПАНК Б.САНЧИР: ДАНДАА ХОТЫН ШҮЛЭГ БИЧНЭ ГЭЖ ЮУ БАЙХ ВЭ ДЭЭ, НҮҮДЭЛЧИН АХУЙН ТУХАЙ ГАНЦ САЙХАН ШҮЛЭГ БИЧИХИЙГ ХҮСДЭГ

ТӨ.БЯМБАСҮРЭН: БИ ӨӨРИЙГӨӨ ЯРУУ НАЙРАГЧ ГЭЖ БОДДОГГҮЙ зэрэг ярилцлага, хөрөг, нийтлэл уншигчдын хүртээл болгожээ.

Түүнчлэн дэлхийн алдартнуудын,

ТАКЕР КАРЛСОНЫ В.ПУТИНТЭЙ ХИЙСЭН ЯРИЛЦЛАГА: УКРАИН БОЛ И.СТАЛИНЫ ХҮСЛЭЭР БИЙ БОЛСОН ХИЙМЭЛ УЛС

ЗИГМУНД ФРОЙД: БИ АМЬДРАЛДАА НАМАЙГ БАРАГ ОЙЛГОСОН ГАНЦ, ХОЁРХОН ХҮНТЭЙ ТААРСАН

МАЙКЛ ЖОРДАН: 1994 ОНЫ БЕЙСБОЛЫН АЖИЛ ХАЯЛТ БАЙГААГҮЙ БОЛ ДАХИЖ САГСАН БӨМБӨГ ТОГЛОХГҮЙ БАЙСАН

МБАППЕГИЙН АГУУ ТҮҮХИЙГ ЦАГ ХУГАЦАА ГЭРЧИЛНЭ

“ОДНЫ ӨВӨӨ” САВАДА НОБОРҮ: АНХ МОНГОЛД ИРЭХЭД ЮУ ЮУГҮЙ ДЭЭРЭЭС ОД УНАХ ГЭЖ БАЙГАА ЮМ ШИГ САНАГДАЖ БАЙЛАА зэрэг ховор ярилцлагыг нийтлэн олон нийтэд хүргэжээ.