Азийн залуучуудын III наадмын чөлөөт бөхийн тэмцээн “Exhibition World Bahrain” спортын ордонд эхэллээ. Монгол Улсаа төлөөлөн өрсөлдөж буй залуучуудын шигшээ багийн тамирчдаас эрэгтэйчүүдийн 71 кг-ын жинд Э.Нарантулга өрсөлдөв.

      Манай бөх Афганистаны тамирчин Сидичи Хважа Мужтабаг 11:0, Киргизийн Ишингазиев Нурсултан Наринбекович 10:1-ээр ялж, Японы бөх Кобояши Сатояд 5:0 -ээр ялагдсан. Улмаар хүрэл медалийн төлөө Казахстаны бөх Наров Нуртайтай хүч үзэхээр боллоо. Барилдаан орон нутгийн цагаар 17:25 минутаас эхэлнэ.

     Мөн энэ өдөр эмэгтэйчүүдийн 61 кг-ын жинд өрсөлдсөн М.Хүслэн Киргизийн бөх Чинибаева Акулайд 8:2-аар ялагдав. Киргизийн бөх Энэтхэгийн Яшитад ялагдсанаар М.Хүслэнгийн хувьд энэ удаагийн наадам өндөрлөж байна.