Азийн залуучуудын “Бахрейн-2025” наадмын усан спортын ОУХМ Энхтөрийн Эрхэс 50 м-ийн араар даллах сэлэлтийн төрөлд мөнгөн медаль хүртлээ. Тэрбээр түүхэн амжилтаар Азийн залуучуудын наадмын медалийн буухиаг үргэлжүүлж байна. Тус 50 м-ийн араар даллах төрөлд нийт 32 тамирчин гараанд гарсан бөгөөд тамирчин Э. Эрхэс финалын шатны уралдаанд 25.98 секундын амжилтаар мөнгөн медаль хүртлээ.

   Энэхүү төрөлд Сингапур Улсын тамирчин Чан Тэдд 25.79 секунд үзүүлэлтээр тэргүүлж, Азийн залуучуудын наадмын амжилтыг шинэчлэн тогтоосон бол хүрэл медалийг Хятадын Тайпэйн Чанг Кай-юүэ 26.17 секундын амжилтаар авлаа. Харин 200 м-ийн мэлхий сэлэлтийн финалын шатанд шалгарсан спортын мастер Э.Энхмэнд 2:23.63 үзүүлэлтээр шилдэг наймд орлоо.