Дархан-Уул аймагт жүдо бөхийн спортыг хөгжүүлэх, өсвөр үеийн тамирчдын техник, ур чадварыг дээшлүүлэх, хүүхэд залуучуудад бие бялдрын болон оюун санааны хүмүүжил олгох зорилгоор Дархан-Уул аймгийн Жудо бөхийн холбоо, БНСУ-ын Дэжон хотын Дунгү дүүрэгтэй 2022 онд хамтын ажиллагаа эхлүүлж, хоёр удаагийн ээлжээр 30 гаруй өсвөрийн тамирчид хамтарсан бэлтгэл сургуулалтыг хийжээ.

   Уг харилцаа нь хоёр хот хоорондын харилцаа болон өргөжиж Дунгү дүүрэг нь Дархан сумын ерөнхий боловсролын 12-р сургуульд иж бүрэн компьютерийн кабенит байгуулж өгсөн байна. Хамтын ажиллагааг шинэ шатанд гаргахаар Дархан-Уул аймгийн Засаг дарга Б.Азжаргал, Аймгийн Жүдо бөхийн холбооны тэргүүн М.Төмөртогоо, аймгийн Жүдо бөхийн холбооны нарийн бичиг Г.Батбилэг, Аймгийн биеийн тамир спортын газрын дарга А.Амараа, аймгийн ИТХ-ын төлөөлөгч С.Дэлгэрбаяр, аймгийн ИТХ-ын төлөөлөгч Б.Содболд, “Дарханы Дулааны Сүлжээ” ТӨХК-ний гүйцэтгэх захирал Д.Батжаргал, ерөнхий боловсролын 4 дүгээр сургуулийн захирал Д.Дэлгэрбаяр тэргүүтэй төлөөлөгчид Дунгү дүүргийн урилгаар албан ёсны айлчлал хийж байна.

   Энэ удаагийн айлчлалын хүрээнд аймгийн Засаг дарга Б.Азжаргал нь Дүнгү дүүргийн Засаг дарга болон ИТХ дарга нартай уулзах үеэрээ Дархан хотод байгуулагдаж буй тусгай хэрэгцээт 7-р цэцэрлэгийн багш нарыг дадлагажуулах, харилцан багш солилцох, ЕБС-иудад хэрэгцээт хөрөнгө оруулалтыг хийх хоёр талын саналыг албан ёсоор танилцууллаа.