Жюү жицү-гийн баг тамирчид Бахрейн Улсад зохион байгуулагдах залуучуудын Азийн гурав дахь удаагийн наадамд оролцохоор эх орноосоо хүлгийн жолоо залж байна. Азийн Олимпын зөвлөлийн ивээл дор Бахрайн Улсын Манама хотноо зохиогдож буй Азийн залуучуудын III наадам оролцох Ө. Эрдэнэбаатар дасгалжуулагчтай жюү жицүгийн залуучуудын шигшээ багийн тамирчид өнөөдөр эх орноосоо мордлоо.

    Тус наадамд 17 тамирчин, нэг дасгалжуулагч, хоёр шүүгч, нэг албаны хүний бүрэлдэхүүнтэй оролцоно. Энэхүү наадамд 45 улсын 4000 гаруй тамирчин хурд хүч, авхаалж самбаа, ур чадвараа сорин арав хоногийн туршид өрсөлдөнө. Монгол Улсаа төлөөлөн спортын 20 төрөлд 134 тамирчин, 43 багш дасгалжуулагчдын хамт оролцож байна.