БНХАУ-ын Вуши хотноо байрлах World Hotel Grand Juna зочид буудлын хурлын танхимд  2025 оны энэ сарын 23-ны өдөр Дэлхийн таеквондо-гийн холбооны Ерөнхий ассемблей амжилттай зохион байгуулагдаж өндөрлөлөө.

     Тус хуралдаанд Дэлхийн таеквондо-гийн холбооны гишүүн орнуудын төлөөлөгчид оролцож, холбооны удирдлагын бүтэцтэй холбоотой чухал шийдвэрүүдийг гаргасан юм. Хуралдааны хүрээнд ерөнхийлөгч, дэд ерөнхийлөгч, аудитор болон зөвлөлийн гишүүдийг сонгох сонгууль явагдаж шинэ гишүүдийг танилцууллаа.

     Энэхүү хуралдаанд Монгол Улсыг төлөөлөн Монголын таеквондо-гийн холбооны дэд ерөнхийлөгч хатагтай П.Батхүү оролцож санал өгсөн нь Монголын таеквондо-гийн олон улсад эзлэх байр суурийг бэхжүүлэх, нэр хүндийг нэмэгдүүлэхэд чухал хувь нэмэр оруулсан үйл явдал боллоо.