Мэргэжлийн сүмо бөхийн 69 дэх их аварга Хакүхо Даваажаргал аваргын нэрэмжит "Хакүхо цом" өсвөр үеийн сүмо бөхийн 14 дэх удаагийн тэмцээн зохион байгуулагдахад бэлэн боллоо. Тэмцээн 2025 оны арваннэгдүгээр сарын 2-ны ням гарагт Баруун дөрвөн зам, МҮЭСТО-ны, спорт цогцолборын зааланд болно.

  Бүртгэл аравдугаар сарын 27-ноос арваннэгдүгээр сарын 1-нийг хүртэл “Их Шавь” цогцолбор дээр явагдана. Сүмо бөхийн спортыг сонирхдог 9-15 насны хөвгүүдээ урьж байна. Уламжлал ёсоор найман хүүхэд сонгон шалгаруулж Япон Улсад жил болгон зохион байгуулагддаг "Хакүхо кап" өсвөрийн сүмо бөхийн олон улсын тэмцээнд эх орноо төлөөлөн оролцох болно. Бүх зардлыг “Хакүхо сан” хувь хариуцна.