Монголын хоккейн лигийн тэмцээн эхэллээ

2025-10-23, 50

Монголын хоккейн холбооны шинэ улирлын эхний тэмцээн болох 2025-2026 оны лигийн аварга шалгаруулах тэмцээний 1-р тойргийн эхний өдрийн эхний тоглолт Чингэлтэй дүүргийн БТСГ-ын мөсөн талбайд боллоо. Лигийн тэмцээн "Степпе-Монстерс" баг, "Дархан" багуудын тоглолтоор эхэллээ. “Степпе-Монстерс” баг, “Дархан” багуудын тоглолт 12:3-ын харьцаагаар өндөрлөж “Степпе-Монстерс” баг тойргийн эхний хожлоо авлаа.

Хоёр дахь тоглолт “Багануур” баг, “Хангарьд” багууд үндсэн цагт 5:5-ын харьцаагаар тэнцэж, нэмэлт цагийн хоёр дахь минутад "Хангарьд" багийн 19 дугаартай ОУХМ П. Батзаяагийн довтолгоо амжилттай болж өөрийн багтаа 1 оноо авснаар тойргийн эхний хожил, багтаа хоёр оноо авчирлаа. Харин "Багануур" баг нэг оноог авч үлдлээ. Өнөөдөр эхний тоглолт өглөө 10:00 цагаас “Багануур”, “Шарын гол” багууд, 13:00 цагаас, “Степпе-Монстерс” баг,”Хангарьд” багуудын тоглолт тус тус явагдана.

Монголын хоккейн лигийн тэмцээн эхэллээ

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0

Шинэ мэдээ

Нийтлэлчид