Өмнөд Солонгос Улсад  2025 оны  аравдугаар сарын 20-ны өдрөөс  арваннэгдүгээр сарын 9-ний өдрүүдэд  “Global Taekwondo Master Training Program” сургалт болж байна. БНСУ-ын Мужу хотноо  Дэлхийн таеквондо-гийн төв “Куккивон”  байгууллагаас зохион байгуулж буй дасгалжуулагчийн мэдлэг, ур чадвар дээшлүүлэх сургалтад Улаанбаатар хотын “Арслан” клубийн дасгалжуулагч С.Янжинлхам хамрагдаж байгаа юм. Тус сургалтад 31 орны 41 мастерууд хамрагдаж байгаа бөгөөд гурван долоо хоногийн турш хамтдаа суралцаж, хөгжих болно. Сургалтыг амжилттай дүүргэсэн тохиолдолд 3-р зэргийн Олон улсын мастерын гэрчилгээг гардан авах юм.