Олон улсын олимпын хороо (ОУОХ)-ны “Олимпын эв санааны нэгдэл” хөтөлбөрийн ивээл дор зохион байгуулагдаж буй 2025 оны аравдугаар сарын 21-30-ны  өдрүүдэд ширээний теннисний дасгалжуулагчдын үндэсний семинар Улаанбаатар хотод болж байна.

     Сургалтыг Малайз Улсын дасгалжуулагч, Олон улсын ширээний теннисний холбооны сургагч багш Фан Сяо Жүн удирдан явуулж эхэллээ.  Мөн пара ширээний теннисний дасгалжуулалтыг хөтөлбөртөө багтаасан нь онцлогтой юм.

     Энэхүү сургалтад нийслэл болон хөдөө орон нутгаас нийт 30 дасгалжуулагч оролцож байна.

    Сургалтын нээлтийн үйл ажиллагаанд МҮОХ-ны тэргүүн дэд ерөнхийлөгч Ч.Наранбаатар оролцож, дасгалжуулагчдын ур чадварыг дээшлүүлэх энэхүү арга хэмжээний ач холбогдлыг онцлов.