Монголын үндэсний олимпын хороо (МҮОХ) нь Олон улсын олимпын хороо (IOC), Делавэрийн их сургууль, АНУ-ын Олимпын ба паралимпын хороотой хамтран хэрэгжүүлдэг олон улсын дасгалжуулагчийн мэдлэг дээшлүүлэх хөтөлбөр (International Coaching Enrichment Certificate Program – ICECP)-т усан спортын дасгалжуулагч, “Рио-2016” олимпын наадмын оролцогч Б.Дөлгөөнийг хамруулж байна.

     “ICECP” нь дэлхий даяарх дасгалжуулагчдын ур чадварыг хөгжүүлэх, спортын удирдлага, төлөвлөлт, ба тамирчдын хөгжлийн чиглэлээр мэдлэгийг нь гүнзгийрүүлэх зорилготой, академийн нэг жилийн хугацаанд үргэлжлэх эрчимжүүлсэн сургалтын хөтөлбөр юм.

     Хөтөлбөр нь таван модуль сургалтаас бүрддэг бөгөөд оролцогчид олон улсын зөвлөхийн удирдлага дор өөрийн спортын төрөл эсвэл тухайн улсын спортын хөгжилд чиглэсэн судалгааны төсөл боловсруулан хэрэгжүүлдэг онцлогтой.

    Б.Дөлгөөн нь 2025 оны аравдугаар сарын 16-наас арваннэгдүгээр сарын 1-ний өдрүүдэд АНУ-ын Делавэрийн их сургуульд зохион байгуулагдаж буй 2-5 дугаар модуль сургалтад амжилттай хамрагдаж “High-Performance Swimming Athlete Development Program сэдвийг сонгон судалж байна.