Олон улсын хэт холын марафон гүйгчдийн холбооноос 2025 оны аравдугаар сарын 18-19-ний өдрүүдэд 24 цагийн гүйлтийн ДАШТ-ийг 15 дахь удаагаа Франц Улсын Алби хотод зохион байгууллаа.

      Монгол Улсаас Франц Улсад суугаа Элчин сайд У.Нямхүү дэлхийн аварга шалгаруулах тэмцээнд Монгол Улсаа төлөөлөн оролцсон баг тамирчдыг Элчин сайдын яамнаа хүлээн авч уулзан баяр хүргэлээ.

      Дэлхийн аврага шалгаруулах энэ удаагийн тэмцээнд Ази тивээс Монгол, Япон, Энэтхэг гэсэн гурван орон оролцсон бөгөөд манай долоон тамирчин олон цагийн хэт холын зайнд хурд хүчээ сорилоо. Энэхүү тэмцээн нь зогсох алхаж болохгүй, 24 цагийн турш тасралтгүй гүйн хамгийн урт зайг богино хугацаанд туулсан тамирчныг тодруулдаг юм.

   Тус 2025 оны 24 цагийн гүйлтийн ДАШТ-нд Украины тамирчин Андри Ткачук Andrii Tkachuk (UKR) тэргүүлжээ. Хэт холын марафон нь гүйлтийн спортын хамгийн нэр хүндтэй дэлхийн түвшний өрсөлдөөнүүдийн нэг бөгөөд улс орнуудын өндөр амжилт гаргасан шигшээ тамирчид оролцдог билээ.