Бахрейн Улсын Манама хотод Азийн залуучуудын III наадмын тэмцээнүүд  үргэлжилж байна. Тус наадмын триатлоны төрөлд залуу тамирчин Түвшинтөрийн Баяр хурд сорин өрсөлдөх гэж байна. Монгол-Оросын хамтарсан III дунд сургуулийн аравдугаар ангийн сурагч Т.Баяр нь 2025 оны УАШТ-ээс мөнгөн медаль хүртсэн, триатлоны шилдэг өсвөр үеийн тамирчдын нэг билээ.

     “Бахрейн-2025” наадмын хөвгүүдийн төрөлд орон орны 37, охидын ангилалд 24 тамирчин оролцох бөгөөд тус наадмаас “Дакар-2026” залуучуудын олимпын эрх олгох юм. Триатлонч Т.Баярын уралдаан аравдугаар сарын 23-ны өдөр Бахрейны орон нутгийн цагаар 06:00 цагт (Улаанбаатарын 11:00 цагаас) эхэлнэ.