Өмнөд Солонгосын Сөүл хотод 2025 оны аравдугаар сарын 19-ний ням гарагт хоёр дахь удаагийн “Hyodorin” марафон боллоо. Энэ удаагийн марафонд гүйлтэд 5000 хүн оролцжээ. Тус тэмцээний насны ангилалгүй хагас марафон 21.0975 км зайн гүйлтэд  “Mongolian Elite Runners” клубийн тамирчин Н.Нямбаяр, Л.Уянга нар амжилттай оролцов. Н.Нямбаяр 1:16:18 цаг гүйж хагас марафон гүйлтийн хувийн амжилтаа шинэчилж III байрт, харин Л.Уянга 1:41:47 цаг гүйсэн амжилтаар V байрт тус тус орлоо.