АНУ-ын алдарт Plus size модель, хөтлөгч, инстаграм од бүсгүй Эшли Грэмийг танихгүй хүн ховор. Тэрбээр загварын салбарт махлаг эмэгтэйчүүд амжилт гаргах боломж бий гэдгийг баталж олон эмэгтэйн үлгэр дууриалал болж буй нэгэн.  Түүний тухай хүмүүсийн тэр бүр мэддэггүй баримтуудыг онцлон хүргэж байна.

1. Тэрбээр "Sports Illustrated" сэтгүүлийн нүүр хуудсыг чимсэн анхны plus size model байв.

Грэм 2016 онд "Sports Illustrated"-ийн усны хувцасны тусгай дугаарыг  өөрийн дүр төрхөөр чимсэн нь түүний хувьд томоохон амжилт байв. Тус сэтгүүлийн редактор Мж Дэй Эшлид маш их урам өгч дэмждэг байсан талаар дурдсан байдаг.

2. Тэрээр дэлхийн хамгийн өндөр ашиг орлоготой загвар өмсөгчдийн нэг юм.
3. "Форбес" сэтгүүлээс жил бүр хамгийн их ашиг орлоготой загвар өмсөгчдийн жагсаалтыг гаргасан бөгөөд Ашли Белла Хадидын араас бичигджээ. Тэрээр 5.5 сая долларын орлоготой ажилдаг байна.
4. Түүний карьерийн эхлэл тун амжилттай байв.

Грэхэм 12 настайгаасаа эхлэн загвар өмсөгчийн карьераа эхлүүлсэн. Түүнийг аавтайгаа хамт худалдааны төвд явж байхад нь нэгэн эр түүн дээр ирж загвар өмсөгч болохыг хүсч байгаа эсэхийг асууж байжээ. Үүнээс хойш тэрээр модель болох хүсэлдээ хөтлөгдөн загварын сургуульд элсэн оржээ. Эшли хэлэхдээ "Тэд намайг ямар нэг зүйлээс хүсэл тэмүүлэл олж аваасай гэж хүссэн учраас ийм зүйл хийсэн. Мэдээжийн хэрэг загварын ертөнц нь түүний амьдралын хэв маяг болсон" гэж "Vogue Arabia" сэтгүүлд өгсөн ярилцлагадаа дурджээ.

4. Тэрээр нийгмийн сүлжээнд түгээмэл хэрэглэгддэг “hashtag”-ийг хөгжүүлэх үүрэгтэй

2015 оноос хойш Грэм загварын салбарт эерэг зүйлсийг бий болгохын тулд өөрийгөө  Plus size модель хэмээн зарласан төдийгүй “Би зоригтой байна, Би гайхалтай, Би үзэсгэлэнтэй,Хэмжээнээс хэтэрсэн гоо сайхан ” гэх мэт үгсийг  хэлсэн нь махлаг бүсгүйчүүдэд өөртөө итгэлтэй байх маш их итгэлийг өгсөн юм. Эдгээр үгс нь олон нийтийн сүлжээнд hashtag болтлоо хөгжсөн юм.

5. Тэр үргэлж сэтгэл хангалуун байдаггүй

Тэр өөртөө төдийлөн сэтгэл хангалуун байдаггүй байсан хэдий  ч өөрийгөө ялан дийлж чадсан юм. Тэрбээр "Vogue Arabia" сэтгүүлд өгсөн ярилцлагадаа "Аливаа зүйлд хүрэхийн тулд маш их хичээл зүтгэл шаарддаг. Би өөртөө анхаарал тавьдаггүй байсан бас  маш их жин нэмсэн. Зарим газруудаас надтай хамтран ажиллах санал ирсэн ч би үүнийг хийж чадна гэдэгт итгэлгүй байсан" хэмээв. Гэсэн хэдий ч тэр энэхүү бодлоо орхиж чадсандаа одоог хүртэл баярлаж явдаг талаараа нийтэлсэн байдаг.