• Өнөөдөр 2026-11-18

Нийгмийн сүлжээнд хүүхдийн оролцоо, хэвлэлийн эрх чөлөөний асуудлаар ярилцав

2026-11-17,   163

    Үзэл бодлоо илэрхийлэх үндэсний сүлжээний гишүүн байгууллагуудаас Хэвлэлийн Хүрээлэн, “Эмнести интернэшнл”, “Глоб интернэшнл” төвийн төлөөлөл, “ЮНЕСКО”-гийн олон улсын зөвлөх, Канадын “Хууль ба ардчилал” төвийн гүйцэтгэх захирал Тоби Менделийн хамт УИХ-ын гишүүн Б.Мөнхсоёл, П.Наранбаяр нартай уулзалт хийлээ.

   “ЮНЕСКО”-гийн олон улсын зөвлөх, Канадын “Хууль ба ардчилал” төвийн гүйцэтгэх захирал Тоби Мендел хэвлэлийн эрх чөлөөний тухай хуулийн шинэчлэлийн зэрэгцээ сэтгүүлчдийг мөрдөн шалгах, хууль хяналтын байгууллагын ажиллагаагаар дарамтлах, залхаан цээрлүүлэх шинжтэй “SLAPP” буюу олон нийтийн оролцоог хязгаарлах зорилготой стратегийн нэхэмжлэлийн асуудалд анхаарах, хүүхдийн цахим хэрэглээг хязгаарлахад анхаарах зүйлс байгааг онцоллоо.

   Мөн “Нийгмийн сүлжээнд хүүхдийн оролцоог зохицуулах тухай хууль”-ийн төсөлд нийгмийн сүлжээг 13 насанд хүрээгүй хүүхдэд ашиглуулахыг хориглохоор тусгасан нь хүүхдийн үзэл бодлоо илэрхийлэх эрх болон бие даасан байдалд сөргөөр нөлөөлөх эрсдэлтэй талаар санал солилцов. УИХ-ын гишүүн П.Наранбаяр гүтгэх гэмт хэргийг эрүүгийн хуулинд оруулах бус иргэний журмаар шийдвэрлэх боломжтой гэсэн байр суурьтай байдаг гэв. Түүнчлэн хэвлэлийн эрх чөлөөний хуулийн шинэчлэлийн талаарх олон улсын зөвлөхийн санал, зөвлөмжтэй санал нэгдэж байгаагаа илэрхийллээ.

 


Нийгмийн сүлжээнд хүүхдийн оролцоо, хэвлэлийн эрх чөлөөний асуудлаар ярилцав
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188