• Өнөөдөр 2026-11-18

Д.Гэгээ гардан тулааны Азийн аваргаас хос алтан медаль хүртлээ

2026-11-17,   144

    Гардан тулааны Азийн аварга шалгаруулах тэмцээнээс нийслэлийн БЗД-ийн 84-р дунд сургуулийн 5-ын “6” ангийн сурагч Д.Гэгээ хос алтан медаль хүртжээ. Тайланд Улсын Паттаяа хотод 2026 оны арваннэгдүгээр сарын 13-14-ний өдрүүдэд гардан тулааны Азийн аварга шалгаруулах тэмцээн амжилттай болж өндөрлөлөө. Тус Азийн аваргад нийт 23 улсын 240 тамирчин 58 ангилалд хурд, хүч, чадвараа сорьсноос Монгол Улсын баг, тамирчид 12 алт, найман мөнгөн медаль авч, багийн дүнгээрээ гуравдугаар байр эзэлж, цомын эзэн болжээ.

   Тус тэмцээнд Монгол Улсаас өсвөрийн тав, насан хүрэгчдийн ангилалд найман тамирчин оролцсон юм. Гардан тулааны “ЭЗО”  дэвжээний, ОУХМ, хар бүс таван дантай С.Энхсайхан өөрийгөө хамгаалах төрлийн мастеруудын ангилалд алтан медаль, Д.Учрал 10-11 насны ангилалд өөрийгөө хамгаалах төрөлд мөнгөн медаль, Д.Гэгээ 10-11 насны төрөлд өөрийгөө хамгаалах болон тулааны төрөлд тус тус алтан медаль, 14-15 нас ангилалд М.Баянмөнх өөрийгөө хамгаалах төрөлд алтан медаль тус тус хүртсэн байна.

 


Д.Гэгээ гардан тулааны Азийн аваргаас хос алтан медаль хүртлээ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188