Бүгд Найрамдах Киргиз Улсын Бишкек хотноо дөрөв дэх удаагаа зохион байгуулагдаж буй Бишкекийн Олон улсын кино наадмын хүрээнд Монголын Кино урлагийн зөвлөл болон Киргиз Улсын Соёл, мэдээлэл, залуучуудын бодлогын яамны Кино урлагийн газар хооронд хамтын ажиллагааны санамж бичиг байгууллаа.

    Санам бичигт хоёр улс харилцан кино урлагийн салбарт бүх түвшинд хамтын ажиллагааг бэхжүүлэх, үйлдвэрлэл, технологи, мэргэжилтнүүдийн солилцоог нэмэгдүүлэх, соёлын харилцаа холбоог нэмэгдүүлэх, хамтран кино бүтээх боломжийг бий болгох үндсэн чиглэлүүд багтаж байна.