• Өнөөдөр 2026-07-04

БАЯРЛАЛАА, И.МИШЭЭЛ

2025-11-30,   2135

     Олон улсын “Silk Way Star” шоуны ялагчаар тодорсон дуучин И.Мишээлд баяр хүргэе. Монгол дуу хоолойн гайхамшиг дэлхийн тайзнаа эгшиглэж л байвал, тэд монгол хүний зах хязгааргүй их авьяас билгээс мэдэрч л байвал сайхан. Ингэхийн тулд мэдээж уран бүтээлчид өөрсдийгөө сорьж, илүү их дайчилж, тэмцээн, уралдаанд оролцож байх нь чухал. Үүнийг И.Мишээл харуулж чадлаа. Хэчнээн чадварлаг, үзэсгэлэнтэй, гэрэлтсэн охин юм бэ. Тэгээд бүр өөрийн зохиосон “Монгол” хэмээх дууг дуулж арван орны шүүгчдийн хамгийн өндөр оноог авна гэдэг бахархахгүй байхын аргагүй. Дахин баяр хүргэе. Мөн баярлалаа. Монгол дуу хоолой, монгол үзэсгэлэн гоог олон улсын тайзнаа гаргаж, шат шатны уралдаанд нь амжилт үзүүлж, түрүүлсэнд. Улам ч олон тэмцээн, уралдаан хүлээж байгаа гэдэгт итгэлтэй байна. 

    Богино үс, урт цагаан даашинзтай туранхай охин анх “My voice-2016” шоуны тайзнаа “Содура” киноны дууг тун эвлэгхэн, нарийн торгон мэдрэмж, өвөрмөц хоолойгоор дуулж байлаа. Дараа нь “Цэцэрлэгт учирсан хоёр”, “Төгс төгөлдөр" зэрэг дууг ч мөн амжилттай дуулсан. Тус наадмын тэр жилийн үзэгчид ч түүний дуу хоолойг олзуурхан, дөрвөн шатанд дуулсан дуугаар нь хэсэгтээ “амьсгалж”, өнөөдөр ч эргэн сонсож олон сайхан дурсамжаа хөглөсөөр байна.
 
                Түүнээс хойш хэдийнэ найман жил өнгөрч, И.Мишээл ч олон сайхан дуутай, өөрийн гэсэн өнгө аястай уран бүтээлч болон “өссөн” гэдгийг сонсогчид андахгүй. Тэрбээр МУГЖ Т.Ариунаагийн “Чи минь”, Б.Бадрууган агсны “Хонин цагаан үүл”, “Никитон” хамтлагийн “Амьдрал” зэрэг дууг өөрийн өнгө аясаар коверлон дуулсан нь давтан сонсмоор сонирхолтой болсон. Тэр дундаа “Чи минь” дууг мөн ч нарийн мэдэрч, урлан дуулсан нь өнөө хэр нь сонсогчдын дунд шинэхэн хэвээр байна. Т.Ариунаа гавьяат ч ихэд магтан, бахархаж, залуу үе нь ийм сайхнаар гарч ирж байгаад баярлаж байгаагаа илэрхийлж харагдсан нь нэг биш удаа. Дуучин И.Мишээл ковер дуунаас гадна “Bad Blood”, “The Legend of love”, “Жаргалтай хос” зэрэг содон өнгө төрх, дүрстэй дууг үзэгч, сонсогчиддоо хүргэсэн.
     Түүний хувьд дуу, дүрс бүрдээ дахин давтагдашгүй имижийг бүрдүүлж, үргэлж дайчин байж, дуу бүрдээ өөрийгөө шинээр нээн дэлгэж харуулдгаараа онцлог уран бүтээлч. Урлагийн хүн болохыг багаасаа мөрөөдөж, Хүүхдийн ордны дугуйланд явж эхэлсэн мөчөөс эхлэн тэр чимээгүйхэн өөрийгөө урлагт бэлдэж байгаад “My voice” шоугаар тэсрэн гарч ирсэн. Үнэхээр хаана нуугдаж байсан гэмээр ховор нандин мэдрэмж, уянгалаг хоолойтон тэр байв. Рок попын томчууд түүнийг багаас нь хөглөн ирж, үлгэрлэн дагуулсан нь гарцаагүй биз ээ. Хүүхдийн ордны дугуйлангаас дуулж эхэлсэн жаахан охины дотор мэдээж Т.Ариунаа, Б.Сарантуяа шиг дуучин болох хүсэл асан дүрэлзэж, тэдний дунд дуулж зогсоогоор ч төсөөлсөөр ирсэн байж ч мэдэх юм. Тэгвэл тэр үнэхээр өөрийгөө харуулж чадсан. Урлагт нэг хэвд цутгасан мэт, эсвэл урсгалаараа нэгэн биш харин ч шинийг илэрхийлэгч, тэмцэгч, өвөрмөцөөр өөрийгөө бүтээгч.
             Түүнийг ийн өөрийгөө бүтээхэд мэдээж нөлөөлсөн багш бий. Түүний нэг нь “Sweetуemotion” хамтлагийн дуучин Ц.Сарнай. Тэрбээр шавийнхаа дуулалтын техник талд нь илүүтэй ажиллаж, зөвлөгөө өгдөг гэсэн. Түүнээс гадна өөрийн биеэ авч яваа байдал, дүр төрх, эрч хүчтэй байдлаараа үлгэрлэн дагуулдаг болов уу. “Sweetуemotion” хамтлагийн гал цогтой охидын хурд хүч, дайчин чанар, чанартай бүтээлийг сонсогчид андахгүй. Олон ч гоё дуу нь бидний бага нас, арван жил, оюутан ахуй үеийн дурсамжийг тээн эгшиглэдэг. Энэ байдал ч И.Мишээлд нөлөөлдөг нь гарцаагүй. Нөгөө талаар И.Мишээлийн өөрийн уйгагүй ажиллагаа, хүсэл мөрөөдлийнхөө төлөө зогсолтгүй зүтгэх чанар, биеэ дайчлах чадвар түүнийг тодорхойлж, товойлгож, үзэгчдэд хүрэх том гүүр болж буйг бид клип, дуу, тайзнаа дуулж буй байр байдлаас нь бэлхнээ хардаг. Тиймдээ ч тэр “My Voice” шоунаас төрж, дараа нь хөгжмийн зохиолч Б.Чинбатын байгуулсан студэд ажиллаж байгаад “Никитон” хамтлагийн дуучнаар өдгөө бүтээлээ туурвиж буй. Энэ бол залуу уран бүтээлчийн хувьд ихийг сурах, сайн дуучин болох том өртөө. Тэгэхээр түүнээс гарах бүтээл, дуулалт ондоо байх нь ч аргагүй юм. Б.Чинбат, “Никитон” гэдэг бол рок попын том сургууль. Жирийн гэхээс илүү чадварлаг дуулалт, бүтээлийг л үзүүлдэг гэдгийг олон сайхан дуу нь илхнээ гэрчилдэг. И.Мишээл сүүлд гаргасан “Дулаан байна” дуундаа гэхэд  дураар, хайр татам охины дүр төрхийг бүтээж, сонсогчдод, тэр дундаа залууст сонсоход тансаг дуу болсон байна лээ.
“Дурлалдаа манарч цасан дунд тэвэрье
Дуу зориулж бичээд чамаас жаахан ичье
Тэгээд өрөөсөн бээлийгээ зориуд гээгээд
Чиний л гарнаас хөтөлж дулаацах гээд...” гээд үг нь хөвөрнө. Нэг тийм сахилгагүй, зоригтой охины дүр энэ дуунаас тодорч буй. Ер нь И.Мишээлийн дуунаас нас насны эмэгтэйчүүд тодордог. Хайрласан, хүндэлсэн, аргадсан, эсвэл шийдмэг, дүрсгүй нэгэн ч илэрнэ. Угаас түүний дуунаас нэг тийм өөрийнхөөрөө байх эрх чөлөө, хязгааргүй их хүсэл тэмүүлэл, хэмжээлшгүй хайр, хэнээс ч ангид хүсэл оршдогоороо онцлог бөгөөд сонсогчийн хувьд нэхэн сонсмоор, өдөртөө нэг дуу хуур руу нь “зорин очмоор” болдог. 

     Сонссон хэнд ч ялгаагүй тийм нэг мэдрэмж, эрч хүч өгч, уйтгар гуниг, ганцаардал бүхнээс нь “татан босгодог” гэдэгт итгэдэг.  Монгол рок попын ертөнцөд өөрийн гэсэн өвөрмөц дүр төрх, хоолой, зөөлөн, хүчирхэг гээд өөр өөрийн өнгө аястай олон ч уран бүтээлч бий. Мэдээж бид өнгө өнгөөр нь хүлээн авч сонсож, амьдралынхаа аль үед хэнийг нь сонсохоо сонгодог. Гэхдээ хэзээд ч бидний эчнээ танил, ойр дуунууд. Ийм нэг сонголтын мухардалд, дурсамжаа эргэсэн ахуйд харин цоо шинэ уянгалаг хоолой эгшиглэсэн нь сонсогчийн хувьд сонирхолтой мөртлөө таатай байдаг. 

 
     Харин сүүлд түүнийг бүр ч их задалж, дуулалт болон уран бүтээлчийн ур чадварыг сорьсон нь  “Яг түүн шиг” шоу. Mariah Carey, Doja Cat, Сеline Dion, Boney, реппер Цэцэ гээд гадаад, дотоодын олон уран бүтээлчдийг тун дөхүүлэн дуурайсан. Өөрийгөө ч их дайчлан бэлдсэн нь үзэгчдэд илт байсныг мөн онцлох нь зүйтэй болов уу. Алмааз эрдэнэ мэт гялалзсан авьяастай түүнд амжилт хүсье.         

БАЯРЛАЛАА, И.МИШЭЭЛ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 4
  • Сэтгэгдэл үлдээсэн: 2025-11-30 09:53:19
    kkkkkkkkk zail: mongol ner bish bna.******** hurliiz gulug uu
  • Сэтгэгдэл үлдээсэн: 2025-11-29 22:57:08
    Мм: Эрлийз писда юмуу
  • Сэтгэгдэл үлдээсэн: 2025-11-27 06:28:45
    Ахмад настан: Сарантуяа. Мишээлээ 2т баяр хүргэж амжилт хүсье!....МИШЭЭЛИИН .АМЖИЛТАНД ...ХӨГИИН ХОГИИН ЧИНБАТ ..АВГАЙ 2ЫГ ХАМТАТГАХ ОГТ ХЭРЭГГҮЙ ..ХОЛУУР..ХОЛУУР....!!.....МИШЭЭЛ ӨӨРӨӨ ӨӨРИИГӨӨ ХҮЧТЭЙ ИЛЭРХИЙЛЖ...СУРЧ ...ЗАДАЛЖ.....ЧАДЛАА.....МАШ САЙН.....САРАНТУЯА ..АЛСЫН ХАРААТАЙ ..МЭДЭХЧ ИРЭЭДҮЫТЭЙ ДУУЧИН ГЭДГИИГ МЭДЭРЧ ..ТАНИЖ ..НЭЭЖ ...ИТГЭЖ ХАМТРАН АЖИЛЛАЖ АМЖИЛТАНД ХҮРЛЭЭ...МАШ САЫХАН........САРАА. МИШЭЭЛ 2ТОО БАЯР ХҮРГЭЖ АМЖИЛТ ХҮСЬЕ
  • Сэтгэгдэл үлдээсэн: 2025-11-26 05:34:01
    Жорж: Цэвэр Монгол биш юм бна..эрлиизүүд л Монголд хүчтэй бнадаа..гаднах төрөх нь өөрч глээ дотоод сэтгэл зүрх нь Монгол юм даа. Авъяаслаг хөөрхн Мишээлдээ урлагиин өндөр амжилт хүсье. Монголд шинэ үе хаалга цохиж эхэллээ..
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2026 © Зохиогчийн эрх хуулиар хамгаалагдсан. Мэдээлэл хуулбарлах хориотой.