УКАГИЙН ЭРХ ЧӨЛӨӨНД…

Д. Бямбасүрэн:
Соёл урлаг

2026-01-02, 27926

Укагийн дуунаас хязгааргүй эрх чөлөө, тайвшрал мэдрэгддэг. Хүлээ, жолоо үгүй тийм дураар мэдрэмжид автагч хэн бүхэн уран бүтээлд нь жаргаж, нэгэн хэв маягаа эвддэг гэмээр. Түүнийг сонсохоор маргаашийн нар руу хамт аялж, хүсэн мөрөөдлийнхөө төлөө зогсохгүйгээр хэрэн тэнүүчилж, үргэлж урагш тэмүүлэн зорих эрч хүч төрнө. Давтагдашгүй дүр төрхийг ч тэр өөрийнхөөрөө бүрдүүлж, урьд хараагүй имижээр дагуулна. Дуулахаас гадна урлагийн хүн биеэ хэрхэн цэгцтэй авч явах, хүний сэтгэл зүрхэнд бүтээлээ хоногшуулан үлдээх том үлгэрлэл ч түүнд бий.

Тэр ийм л ондоо учир өөрчлөлт бүхэнд нь үзэгчид нүд нээгдэж, дагаад дуу хоолойд нь татагдан дурласаар өнөөдөрт хүрсэн. Мэдээж түүний аливаад хандах хандлага, гарын эв дүй, бүтээлч зан чанар, үсчин, гоо сайхны мэргэжил энэ бүхний суурь. Шалныхаа модыг хөгжим болгон барьчихаад дуулж, бүжиглэдэг балчир охин байхаасаа л урлагт дурлаж, Монголын урлагийн рок попын ертөнцөд өөрийн орон зайг бүтээхээр өсөн торниж, өндийн зорьсоор өнөөдрийн Укаг бий болгосон. Загвар дизайны хувьд анхнаасаа л нэг тийм нэг хэвд баригдахыг хүсдэггүй байж. Бүр наймдугаар ангид байхдаа л өргөн өмдөнд дурлаж, сургууль дээр нь өмсүүлэхгүй болохоор нь үүд хүртэл нь өмсдөг байсан гэдэг. Эндээс л өөр байх, өвөрмөцөөр имижээ бүрдүүлэх эхлэл нь үүсэж, тэр зан чанараа өөртөө бэхэлж, ёстой жинхэнэ уран бүтээлч болж чадсан.

Арван жилээ төгсөөд аав, ээжийнхээ зөвлөснөөр гадаад хэлний "Орхон" дээд сургуульд орсон байдаг. Гэсэн ч өөрийн хүсэл мөрөөдлийг даган СУИС-ийн жүжигчний ангид элсэлтийн шалгалт өгсөн ч хоёр дахь шатны шалгалтдаа тэнцээгүй байна. Гэхдээ шалгалтад унасан нь ч түүнээс ч том сургууль, багш байсан нь дуучин Ангирмаа. Багшдаа тэр СУИС-ийн шалгалтад тэнцээгүй гэдгээ хэлэхэд "Nature sounds"-даа бүжгийн багшаар үлдэхийг санал болгосон байна. Ингэж л Кивитэй учран золгож, Монголын урлагийн хаалгыг киви гэж дур булаам мөртлөө донжтой охидын хамтлаг зоригтойхон татаж, шинэ содон уран бүтээлээр түрэх болсон.

Тэд тэгээд л дуугаараа арыг нь дааж, санаандгүйгээр зүрх сэтгэлд зорчиж, өөрсдийг нь эзэмдэх хэн нэгнийг дуулж, юуг ч буцаахгүй гэж эрс шийдэж, харамсаж харах хэрэггүйг ч учирласан. Яах аргагүй гал өрдөж, түүгээрээ үзэгчдийг халууцуулж, уйтгарт даруу ертөнцөөс нь босгон бүжиглүүлсэн, өөрийнхөөрөө байх, хааяа ч болов зүрх сэтгэл дэх жинхэнэ өөрийгөө илэрхийлэх боломжийг олгосон. Улаан даашинз, шар үс, задгай хувцаслалт, энхрий ялдам, халуухан мэдрэмжийг тэд үзэгч, сонсогчдод өгч, бага ч болов өөрчилж, дагаад сэтгэлгээг нь нээсэн хамтлагийн нэг бол тэд. Үнэндээ тэд гэдэг нь Ука л юм шүү дээ. Түүний эхлүүлсэн, урагшилсан зориг, эрч хүч, хэзээ ч сул зогсоогүй он жил өнөөдөр үргэлжилж, орчин цагийн залуусын өнгө хэмнэлд ч бүтээлээ хүргэсээр яваа. Тэр дээл өмсөөд урт шар үсээ сүлжин алчуур боон бүжиглэж, залуусыг маргаашийн нар руу хамт аялахыг уриалсан, зогсохгүй байхыг ч хэлж, довтлогч байхыг сануулсан. Түүний ертөнцөд тэнгэр хөгжим тоглож, эндээс орсон бороонд хашгирсан хайрын дуунууд эгшиглэж, түүнийгээ өөрөө дуулж байдаг шиг. Тэр мөн дандаа орчин цаг, шинэ залуу сэтгэлгээг бариагүй. Монголын сор болсон хөгжмийн зохиолчдын бүтээлийг ч орчин цагийн уур амьсгал, хөгжмийн өнгө аястай хослуулан “Алтан өргөө” киноны дуунд ая хийж, "Би чамд хайртай" гэж намуухан дуулаад, “Хайр хөгжим юм уу” цомгийг гаргаж сонирхолтой бүтээлийг хүргэсэн нь мөн л сонирхол татам байсан.

Дэрсэн малгай, томдсон жинс, жирийн биш үс, жигтэй имиж л түүнийх. Үгүйдээ л час улаан өнгийн уруул. Ука гэж ийм л уран бүтээлч, бүтээлч эмэгтэй. Үргэлж сэтгэлгээ болоод уран бүтээлийн хувьд асаж, асгарч, өөрийгөө эвдэж, бүтээж, задгайлж байдаг. Дууг нь сонсоод түүний ертөнцөд очихдоо гадарлаж, багагүй доторлож, өөсдөдөө ойлголт авсан ч тэр мөн чанартаа, гүндээ чухам хэн бэ гэдгийг “The voice” шоу бидэнд харуулж, ойртуулж өгсөн. Уйлж, дуулж, оролцогчдынхоо өмнөөс догдлон баярлаж, санаа зовнисон энэ л үед нь хүмүүс түүнийг илүүтэй ойлгож, хайрлаж, хувь хүнтэй нь жинхнээсээ танилцсан болов уу. Юутай ч Ука ондоо, содон, өөрийгөө өөрөөр илэрхийлэхийг ямагт эрэлхийлж явдаг уран бүтээлч. Дахиад тэр бидэнд юу үзүүлэхээр, ямар төрхийг харуулахыг зорьж явааг таашгүй ч өдгөө бол бид түүнийг киноноос харж байна.

УКАГИЙН ЭРХ ЧӨЛӨӨНД…

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 13

Сэтгэгдэл үлдээсэн: 2026-01-02 17:42:36

зочин: шөнийн баар цэнгээн шоу тэрийг задгай болгож хүмүүжүүлсэн юм байгааз эрх чөлөөтэй дураараа гэдэг чинь тэр орчны нөлөө л байхгүй юу.
Сэтгэгдэл үлдээсэн: 2025-07-19 01:44:01

зочин: за яагаад магтуулаад унав бас нэг төмөр зүүх гэсэн юм байхдаа зайлуул.
Сэтгэгдэл үлдээсэн: 2025-07-18 11:19:05

Дээгий: Надад бол Ука таалагддаг. Бусдаас нэг л өөр эрх чөлөө шинэ мэдрэмж урагш тэмүүлэх тэмүүлэл гээд нэг л содон мэдрэмжийг өгдөг. Хоолй гоц биш ч дуулалт нь этгээд донжтрй хувцаслалтнь өнгөлөг бие царай үсээ гоё авч яваа байдлаараа бусдад үлгэр дууриалалтай. Амжилт.
Сэтгэгдэл үлдээсэн: 2023-10-19 22:47:54

Хүрэлсүх : Хэний төлөө дуулдаг юм .улс эх орон нь гашиг болох гээд байхад .
Сэтгэгдэл үлдээсэн: 2023-10-19 22:11:15

Янжмаа: жинхэн урлагийн хүн . монголын номер нэг од , тэр байгаагаараа бусдад жишиг хүн дээ.
Сэтгэгдэл үлдээсэн: 2023-10-19 16:20:25

Зочин: Яах гэж ингэж байдаг юм бэ бас ч гэж хөдөлмөрч авгай шүү
Сэтгэгдэл үлдээсэн: 2023-10-18 13:43:35

Gerelmaa: Ukagiin uran bvteel goe sh dee ooroo chadahgvi mortloo chadaj bgaagaa demjij amidraach mongolchuudaa
Сэтгэгдэл үлдээсэн: 2023-10-14 11:51:21

Ганбхтар: Сайн охин сайн гэж боддог хадөлмөрч бас шудрага харагдаад л байдаг чөлөөт уран бүтээлч гжж үүнийг л хэлэх байх ! Амжилтийг хүсье!
Сэтгэгдэл үлдээсэн: 2023-10-14 10:54:05

Хайртай шүү: Ёстой дотроосоо гэрэлттдэг бүсгүй дээ. Амжилт хүсие. Хайртай шүү
Сэтгэгдэл үлдээсэн: 2023-10-12 20:59:06

irgen: Estoi hudelmerch huurhen shuu.Ohidiig baildan daguulagch sain ohin shuu.amjilt
Сэтгэгдэл үлдээсэн: 2023-10-11 10:51:19

zochin: deeree deer ter Ariunaagaas !!!
Сэтгэгдэл үлдээсэн: 2023-10-11 10:50:08

zochin: kkkk
Сэтгэгдэл үлдээсэн: 2023-10-11 09:37:24

45: Тэнэг шороон царайтай авгай.