Орос, Монголын хамтарсан гуравдугаар сургуулийн захирал асан Ж.Соронзонг хууль хяналтын байгууллагаас шалгаж, яллагдагчаар татаад байгаа билээ. Тэгвэл Ж.Соронзон нь хууль хяналтын байгууллагад шалгагдаж байх явцдаа гадаад руу зугтах гэж байна гэх мэдээлэл цахим сүлжээнд цацагдаад байна.

Бид энэ талаар Ж.Соронзонтой холбогдож, тодрууллаа. Тэрбээр “Надад ямар ч хилийн хориг тавигдаагүй. Би эрүүл мэндийн шалтгаанаар гадагшаа явах гэж байна. Би байнга эмнэлэгт үзүүлдэг учраас давтан үзлэгтээ орохоор явж байна. Миний гадаад явж байгаа нь хэнд ч хамаагүй шүү дээ. Би юу гэж оргон зайлж байх юм бэ. Хууль хяналтын байгууллагаас шалгаж байгаа нь үнэн. Гэхдээ хилийн хэрэг тавих хэрэг биш. Зөвхөн гуравдугаар сургууль хэний өмч вэ гэдгийг хэлэлцэж байгаа. Оросууд оросын өмч, монголчууд монголын өмч гээд маргаад байгаа шүү дээ. Үүнээс өөрөөр ямар ч шалгаж байгаа хэрэг байхгүй” гэлээ.