Нуурын мөсөнд цөмөрч, живсэн автомашинаас найман хүнийг аварчээ. Тодруулбал, Увс аймгийн Завхан сумын Айраг нуур баг, Хяргас нуурын мөсөн дээгүүр зорчиж явсан суудлын автомашин живж, зорчигчид нь эсэн мэнд байгаа тухай дуудлага Онцгой байдлын газарт иржээ. Дуудлагаын дагуу аймгийн Онцгой байдлын газрын Эрэн хайх, аврах салбар, Завхан аймгийн Онцгой байдлын газрын Сонгино сум дахь Эрэн хайх, аврах бүлгийн  алба хаагчид ослын газарт очсон байна. Аврагчдыг очиход тус аймгийн Улаангом сумаас Завхан сумын Хэцүү хад гэдэг газрын чиглэлд найман зорчигчтой /тав нь хүүхэд/ зорчиж явсан  иргэн Г-ын “Хайлюкс” загварын суудлын автомашин живсэн байсан. Тус аймгийн Наранбулаг сумын хүн эмнэлгийн эмч нар ажиллаж зорчигчдийг мөн өдрийн 23:33 цагт аймгийн Нэгдсэн эмнэлэгт хүргэж өгсөн боловч ДӨРВӨН хүн / 3 хүүхэд/-ий биеийн байдал хүнд байна. Хоёрдугаар сарын 12-ны 11:55 цагаас 18:50 цаг хүртэл 18 метрийн гүнд шумбалт хийж, автомашиныг ган татлагаар холбосон бөгөөд 50 метр газар хонгил гаргаж мөсийг цэвэрлэсэн. Хоёрдугаар сарын 13-ны 11:00 цагаас ажиллагааг эхлүүлэн 30 метр газар хонгил гарган мөсийг цэвэрлэсэн бөгөөд нуурын мөс нимгэн байгаа тул 8-10 метрийн холоос ган татлага холбон татаж автомашины хойд талыг мөсний ирмэг дээр гаргаж ирсэн боловч үзэгдэх орчин хязгаарлагдсан тул 19:30 цагт түр зогсоосон.