Завхан аймгийн Улиастай сумын Богдын гол багийн Өндөр Богдын голын усны халиа үүсч айлын гэр, автомашин усанд автсан тухай дуудлага нэгдүгээр сарын 26-ний 19:10 цагт Онцгой байдлын газарт иржээ. Дуудлагын дагуу тус аймгийн Онцгой байдлын газрын Эрэн хайх, аврах бүлгийн алба хаагчид очиж иргэн Г-ын таван ханатай гэр, М-ийн зургаан ханатай гэр усанд автсан байжээ. Албан хаагчид усанд айлуудыг нүүлгэн, “Трак” 5 тн-ы автомашиныг гурван цаг 12 минут ажиллаж, уснаас татан гаргажээ.