Самар түүхээр явж байсан иргэд рүү сүрэг чоно дайрсан тухай мэдээлэл цахим сүлжээнд цацагдаад байна. Тодруулбал, чононд хазуулсан иргэний зургийг цахим сүлжээнд тавьж, "Матад ууланд самар түүхээр явсан иргэн рүү чоно дайрчээ" гэсэн байв.

Тэгвэл бид  энэ талаар Дорнод аймгийн Матад сумын Эрүүл мэндийн төвийн даргатай холбогдож тодруулахад “Манай суманд чононд хазуулсан хүн ирээгүй. Мөн Матад уул хуш модгүй учраас самар түүх боломжгүй. Өөр сумын нэршилтэй андуурсан байх” гэв.

Харин ЦЕГ-ын Хэвлэл мэдээллийн төвийн даргаас тодруулахад "Чононд хүн хазуулсан тухай дуудлага ирээгүй байна. Хэрэв ийм зүйл болсон бол эрүүл мэндийн төвд хандана" гэлээ. 

Бид энэ талаар эргэн мэдээлэх болно.