Монгол Улсын гурван сая дахь иргэн Монголжин өнөөдөр найман нас хүрлээ. Монголчууд одоогоос найман жилийн өмнө гурван сая дахь иргэнээ говийн нутгаас өлгийдөн авч байсан билээ. Тодруулбал, 2015 оны нэгдүгээр сарын 24-нд Өмнөговь аймгийн Даланзадгад сумын иргэн Э.Хатанболд, Г.Аззаяа нарын ууган охин Х.Монголжин бүртгэгдсэнийг Үндэсний статистик хорооноос зарлаж байсан юм. Тухайн үед Монгол Улсын Ерөнхийлөгч байсан Ц.Элбэгдорж түүнд аав, ээжийнх нь хүсэлтээр Монголжин гэх нэрийг өгсөн юм. Тэгвэл тэр өнөөдөр хэдийнэ найман нас хүрч, хоёрдугаар ангийн сурагч болжээ. Х.Монголжин охин Өмнөговь аймгийн Улсын тэргүүний гуравдугаар сургуулийн хоёрдугаар ангид сурдаг. Х.Монголжин охин өдгөө хоёрдугаар ангид сурч байгаа юм. Амралтаараа дуу, бүжгийн дугуйланд явж байгаа аж. Тэрбээр манай сайтад өгсөн ярилцлагадаа “Би монгол хэлний хичээлдээ дуртай. Том болоод шүлэг бичиж, зохиолч болохыг мөрөөддөг. Мөн өөр зөндөө мөрөөдөл бий. Тухайлбал, зураач, бүжигчин, цэцэрлэгийн багш, дуучин болно гэж боддог” гэв.

      Эргэн сануулахад, Монгол Улсын нэг сая дахь иргэн 1961 оны аравдугаар сард,  хоёр сая дахь иргэн 1988 оны долдугаар сард төрсөн байна.