“Эрдэнэт” үйлдвэрийн нэгдүгээр орлогч Т.Батмөнх хэдэн зуун сая төгрөгөөр авсан автомашиныг “Эдлэх хугацаа нь дууссан”  нэрийн дор акталж, хэдхэн сая төгрөгөөр худалдан авч, хувьдаа завшсан талаар бид өмнө нь мэдээлсэн билээ. Тодруулбал, Т.Батмөнх нь эрх мэдэл, албан тушаалын байдлаа урвуулан ашиглаж, бусадтай үхсэн тохиролцож, “Эрдэнэт” үйлдвэрийн эзэмшлийн 140 сая төгрөгийн үнэлгээтэй “Лексус-570” автомашиныг зах зээлийн үнэнээс хэт доогуур буюу “Приус-20” маркийн автомашины үнээр худалдаж авсан байдаг. Тэрбээр одоогийн ханш нь 140 сая төгрөгөөр үнэлэгдэж байгаа 2012 онд орж ирсэн “Лексус-570” автомашиныг акталж, 16 сая төгрөгөөр худалдан авсан юм. Эл хэрэгтэй холбогдуулан түүнийг Авлигатай тэмцэх газраас шалгаж эхэлсэн билээ.

Бид энэ талаар “Эрдэнэт” үйлдвэрийн нэгдүгээр орлогч Т.Батмөнхөөс өөрөөс нь тодруулахад “Би утсаар мэдээлэл өгдөггүй” гэлээ.