Булган аймгийн Соёл урлагийн газрын хэлтсийн дарга, СТА О.Ууганчимэг нэгэн тоглолтын үеэр дуучин С.Нинжингийн “Амин хайртай нутаг” дууг ам барьж дуулсан бичлэг олон нийтийн сүлжээгээр цацагдсан билээ.

Энэ талаар дуучин С.Нинжин цахим хуудастаа “Булган аймгийн Соёл урлагийн хэлтсийн дарга, СТА О.Ууганчимэг миний дуулсан дуун дээр ам барьчихсан байна. Одоо бүр хүний дуун дээр ам барьдаг болж” хэмээн бухимдлаа илэрхийлсэн байдаг. Харин зарим нэгэн нь “Ам бариагүй байна. Энэ эмэгтэй маш сайхан дуулдаг юм билээ” гэх мэтээр сэтгэгдлээ илэрхийлсэн билээ.

Тэгвэл бид Булган аймгийн Соёл урлагийн газрын хэлтсийн дарга, СТА О.Ууганчимэгтэй холбогдож, болсон үйл явдлын талаар тодруулахад “Дуучин С.Нинжинтэй холбогдож, учраа ололцсон. Өөр ямар ч мэдээлэл өгөх боломжгүй” гэлээ.