Богд хан уулын дархан цаазат газарт гал гарчээ.

Энэ талаар НОБГ-аас тодруулахад “Гуравдугаар сарын 11-ний 19:13 цагт “Богд хан ууланд гал гарлаа” гэх дуудлага ирсэн. Дуудлагын дагуу НОБГ-ын Гал түймэр унтраах 14, 30 дугаар ангийн 20 гаруй албан хаагч ажиллахаар явсан. Галын тархалт 3-4 га талбайг хамраад байна. Гал уулын оройд гарсан учир автомашин очих боломжгүй, албан хаагчид алхан очиж, галыг унтраахаар ажиллаж байна” гэлээ.

Урьдчилсан байдлаар амарч явсан хүмүүс гал алдсан байж болзошгүй байгаа аж.