Хилээр оруулж ирж байгаа ачаа барааг нэг бүрчлэн шалгаж байгаа бичлэг цахим сүлжээнд цацагдаад байгаа билээ. Тодруулбал, нэгэн иргэн цахим сүлжээнд “Иргэдийн ачааг ингэж шалгаж оруулж байна. Гаалийн байцаагч нар размер, өнгө, загвар гэх мэтийг бүгдийг нь шалгаж байна. Ингэж ачаа тээврийг шалгадаг болбол хэзээ ч бүтэхгүй нь. Ачаагаа шалгаад оруулах рентген ч байхгүй гэж үү” хэмээн бичлэг оруулжээ.

        Энэ талаар Дорноговь аймгийн Замын-Үүд сумын Гаалийн газрын дарга Б.Отгонсүхээс тодрууллаа. Тэрбээр “Цахим сүлжээнд цацагдаад байгаа гаалийн байцаагч нарын бичлэг Замын-Үүдийн Гаалийн газрын байцаагч нарынх биш. Миний хариуцаж байгаа гаалийн хэсэгт иргэдийн ачаа, барааг ингэж нэвтрүүлдэггүй. Рентген ашиглаж, зориулалтын дагуу шалгалтын ажиллагаа явуулж, нэвтрүүлдэг” гэлээ.