• Өнөөдөр 2025-08-06

“Хөвсгөл нуурын мөсөн дээр автомашин гаргаагүй”

2022-03-09,   528

“Хөх сувд” мөсний баяр Хөвсгөл аймгийн Хатгал тосгонд энэ сарын 3-4-нд болсон билээ. Мөсний баярт 20 мянга гаруй хүн оролцож, иргэдийн аюулгүй байдлыг хангаж, цагдаа, онцгой байдлын 200 гаруй албан хаагч ажилласан юм. Цар тахлын улмаас хоёр жилийн хугацаанд хойшлоод байсан мөсний баяр өмнөх жилүүдийнхээс эмх замбараатай, зохион байгуулалт сайтай болсон гэх.

Харин цахим сүлжээнд Хөвсгөл нуурын мөсөн дээр автомашинууд замбараагүй байрлаж, морь, нохойны өтгөн, шингэн, нус цэрээ ил задгай хаясан хэмээн шүүмжилж байгаа аж.

             Энэ талаар эх сурвалжаас тодруулахад “Энэ жилийн мөсний баяр нуурын мөсөн дээр автомашин гаргаагүй гэдгээрээ онцлог байсан. Иргэд автомашинаа нуурын эрэгт байрлах зогсоол дээр байрлуулсан. Өмнө нь зөвшөөрөлгүй машин их гардаг байлаа. Харин энэ жил тийм эмх замбараагүй байдал үүсээгүй. Мөн нохой чарга ч байгаагүй. Бид нуураа хайрлан хамгаалахын тулд цаашид ч ингэж зохион байгуулах болно. Мөн иргэдийн тав тухтай байдлыг хангах үүднээс зөөврийн эко ариун цэврийн газар байрлуулсан. Цахим орчинд тархаад байгаа зураг олон жилийн өмнөх зураг. Энэ байдлыг таслан зогсоохын тулд бид шат дараатай арга хэмжээг авч, зохион байгуулалтдаа анхаарч байна” гэлээ.


“Хөвсгөл нуурын мөсөн дээр автомашин гаргаагүй”
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.