Өсвөр насны охин орон сууцны дээврээс унаж, амиа алджээ. Тодруулбал, гуравдугаар сарын 7-ны 00:20 цагийн орчимд 15 настай охин, 12 давхраас үсэрч, амиа егүүтгэжээ. Охин сэтгэл санааны хямралтай байсан бөгөөд хүчирхийлэлд өртөж байсан болзошгүй байгаа аж. Талийгаач охин БНСУ-д амьдарч байсан бөгөөд гурван сарын өмнө эх орондоо ирээд байжээ.

Энэ талаар ЦЕГ-ын Хэвлэл мэдээллийн төвөөс тодруулахад "Талийгаач охинтой холбоотой шалгах шаардлагатай хувийн нууцтай холбоотой хэд хэдэн асуудлууд байгаа. Үүнээс гадна талийгаач охины ар гэрээс удаа дараа хүсэлт гаргаж байгаа тул мэдээлэл өгөх боломжгүй байна” гэлээ.

Иймд эцэг, эхчүүд та бүхнийг өсвөр насны хүүхдэдээ тавих хараа хяналтаа сайжруулахыг хүсье.