Баянзүрх дүүргийн нутаг дэвсгэрээс гаднын иргэн нас барсан байдалтай олджээ. Тодруулбал, хоёрдугаар сарын 2-нд цагдаагийн байгууллагад хүн нас барсан байна гэх дуудлага ирсэн аж. Дуудлагын дагуу Баянзүрх дүүргийн цагдаагийн хоёрдугаар хэлтсийн албан хаагчид хэргийн газарт очиж, үзлэг шалгалт хийжээ.

Энэ талаар Цагдаагийн ерөнхий газрын Хэвлэл мэдээллийн төвийн мэргэжилтэн Д.Оюунаас тодрууллаа. Тэрбээр “Цагдаагийн байгууллагад ирсэн дуудлага, мэдээллийн дагуу ажиллахад ОХУ-ын иргэн нас барсан байсан. Тодруулбал, ОХУ-ын иргэн, 57 настай, эрэгтэй С.М нь эрүүл мэндийн шалтгаанаар нас барсан нь тогтоогдсон. Өөрөөр хэлбэл гадны нөлөөтэй нас гэдэг нь ташаа мэдээлэл” гэлээ.