Дундговь аймагт болох аялал жуулчлалын нэгдсэн үйл ажиллагааны цаглабарыг аймгийн БОАЖГ-аас танилцууллаа. Тус аймагт зургадугаар сарын 24-25-нд “Сэтгэшгүй оддын чуулган”, 7 дугаар сарын 29-30-нд “Морьтой монгол” аялал, 9 дүгээр сарын 10-11-нд “Айраг, найргийн наадам”, “12 дугаар сарын 3-4-нд “Их говийн тэмээн соёлын наадам”-ыг зохион байгуулах ажээ.  Сүүлийн хоёр жил "Ковид-19" цар тахлын улмаас аялал жуулчлалын нэгдсэн үйл ажиллагаа зохион байгуулаагүй өнжсөн бол энэ жил дээрх дөрвөн үйл ажиллагааг зохион байгуулахаар төлөвлөөд буй аж. “Сэтгэшгүй оддын чуулган” нэгдсэн үйл ажиллагаа нь Цагаан суваргын “Говь кравансерей”-д болох ба энэ үеэр од таних, дурандах ажлыг зохион байгуулах бол “Их говийн тэмээн соёлын наадам” Хулд суманд болохоор болжээ.