Багахангай дүүргийн хоёрдугаар хорооны А-0101 автозамын орчим замын хажууд ачааны машин, иргэдийн ачаа шатсан талаар бид өмнө нь мэдээлсэн. Галын дуудлагын дагуу Онцгой байдлын Гал түймэр унтраах, аврах 80-р ангийн алба хаагчид 15:08 цагт галыг бүрэн унтраасан байна Одоогийн байдлаар хэчнээн иргэний хэдэн төгрөгийн бараа шатсан нь тодорхойгүй байгаа бөгөөд шалтгаан нөхцөл, хохирлын хэмжээг тогтоохоор ажиллаж байна.

Тэгвэл уг шатсан автомашинд дуучин М.Нарантуяа буюу Нарагийн захиалсан бараа ачигдсан байжээ. Тэрбээр “Шатсан машин дотор миний зөгийн балны шил маань ачигдсан байжээ. Олон сар хүлээсэн, хэдэн арван сая төгрөгийн бараа маань шатчихлаа" гэжээ.