“Амгалан дулааны станц”-ын дулааны шугам гэмтэж, тус хорооны айлууд халаалт, халуун усгүй болжээ. Тодруулбал, Баянзүрх дүүргийн тавдугаар хороонд байрлах “Монгол кино” үйлдвэрийн баруун талд “Амгалан дулааны  станц”-ын шугам дээгүүрх зам цөмөрч, гэмтэл гарчээ. Одоогоор тус газар эвдрэл, гэмтлийг засварлахаар дулааны шугам сүлжээний инженер, техникийн алба хаагчид ажиллаж байгаа боловч хэзээ засаж дуусах нь тодорхойгүй байна. Тиймээс Баянзүрх дүүргийн оршин суугчид халуун ус, халаалтгүй болсон учир нялх хүүхдээ өлгийдөж, хөнжлөөр давхар хучиж байгаа аж. Бид хэзээ халаалт, халуун устай болох талаар "Амгалан дулааны станц"-ын дарга Ш.Баянмөнхөөс тодруулах гэтэл гар утсаа аваагүй юм.