Коронавирусийн халдвар авсан хүүхэд, жирэмсэн эхчүүдийг Эх, нярай үндэсний төв-II буюу Яармагийн 300 ортой эмнэлэгт хүлээн авч, эмчилж байна.

           Тэгвэл тус эмнэлэгт хэвтэн эмчлүүлж байгаа иргэдээс гомдол гаргаад байна. Тэд “Хоол муу, эхчүүд өлсөж, хүүхдүүд цангаж, ядарч байна. Хоолоор дархлаагаа сэргээж, түргэн эдгэх хэрэгтэй атал өдрийн нэг хоол, хоёр цайтай байна. Мөн эргэлт оруулдаг хэдий ч хоол оруулахгүй учир эхчүүд, жирэмсэн эмэгтэйчүүд чанаргүй хоол идэж байна” гэсэн юм.

          Бид үүнтэй холбоотойгоор ЭНҮТ-ийн дарга А.Эрдэнэтуяатай холбогдлоо. Тэрбээр “Эрүүл мэндийн сайд бидэнд хандаж, “Хоол муу байна” гэх гомдол ирсэн, шалгаж тодруулах үүрэг өгсөн. Өнөөдрийг хүртэл “Хоол муу байна” гэсэн гомдол бидэнд ирж байгаагүй. Бүр “Эхчүүд хоолоо авахгүй байна. Хоол сав саваараа илүү гарч байна” гэж хэлдэг. Өчигдөр гэхэд л шалгалтын ажиллагаа явуулахад 3-4 том саваар хоол илүү гарсан байсан. Хаана, аль хэсэгт алдаа гарч, эхчүүд өлсөж, гомдол гаргаж байгааг тогтоохоор ажиллаж байна. Манай эмнэлэг 1300 хүнд үйлчлэх 17 баг ажиллаж байгаа.  ал үүсгэсэн байхыг үгүйсгэхгүй. Бид шалгаж, тогтоож алдаагаа сайжруулах болно. Мөн эмнэлэгт төрсөн эхчүүдийг авч байгаа учраас долоо хоногт гурван удаа эргэлт оруулж байгаа. “Эргэлт ирсэн л бол цаг алдалгүй оруулж өг” гэсэн зарчим баримталж байгаа. Эмнэлэг рүү согтууруулах ундаанаас бусад зүйлийг эргэлтээр оруулж байгаа.  Тэгэхээр эхчүүд эргэлтээр хүссэн хоолоо авч болно гэсэн үг. Аль хэсэгт хүний эрхийг зөрчиж, хоол оруулахгүй, хагас дутуу хоол өгч байгааг шалгана. Мөн манай эмнэлэг өдрийн дөрвөн хоолоор үйлчилж байна. Өглөө цай, өдөр гурван төрлийн махан хоол үйлчлүүлэгчдээ өгч байгаа” гэлээ.