Он гарснаас хойш 27 автомашин хулгайд алдагдсан талаарх мэдээлэл цахим сүлжээнд цацагдаад байгаа билээ. Бид энэ талаар ЦЕГ-ын Хэвлэл мэдээллийн төвийн мэргэжилтэн Б.Дэлгэрхангайтай холбогдож тодрууллаа.

Тэрбээр “Цахим сүлжээнд цацагдсан мэдээллийг тодруулж, нягталж үзэхэд худал мэдээлэл байсан. Өөрөөр хэлбэл, он гарснаас хойш 27 машин байрны гаднаас алдагдсан гэдэг нь худал. Харин цагдаагийн байгууллагад “Машинаа хулгайд алдчихлаа” гэх дуудлага ирж, шалгалтын ажиллагаа явуулахад найз нөхөд, гэр бүлийн хүмүүс нь машиныг нь хэлэхгүйгээр авч явсан тохиолдол гарсан. Мөн гадаа талбайд байрлуулсан машинаа халааж орхих нь хулгайд алдагдах эрсдэл үүсгэж байгаа сэрэмжлүүлж өгөхийг хүсье” гэлээ.