Архангай аймгийн Эрдэнэбулган сумын “Ирээдүй” цэцэрлэгийн дунд ангийн багш М нь хүүхдүүдийг зодож, ёс бус харьцаж байгаа бичлэг цахим сүлжээнд тархсан билээ. Эл хэргийг тус аймаг дахь цагдаагийн байгууллага шалгаж байна.

Тэгвэл тус цэцэрлэгийн эрхлэгч болон хүүхэд зодсон багшийг ажлаас нь чөлөөлжээ. Энэ талаар “Ирээдүй” цогцолборын эрхлэгч асан Д.Цэцэгдуламаас тодрууллаа. Тэрбээр “Хүүхэд зодсон багш М-ийг ажлаас нь чөлөөлсөн. Хэргийг цагдаагийн байгууллагаас шалгаж байгаа. Мөн миний бие ажлаасаа чөлөөлөгдсөн” гэлээ.