Эрхэлсэн тодорхой ажилгүй, 38 настай, эмэгтэй А нь хулгайн хэрэгт холбогджээ. Тодруулбал, өнгөрсөн оны долдугаар сард Ховд аймгийн Жаргалант суманд 73.. ХОҮ улсын дугаартай “Приус-20” маркийн автомашинаас гар утас алга болсон тухай дуудлага цагдаагийн байгууллагад иржээ. Дуудлагын дагуу хэрэг бүртгэл нээн шалгахад 38 настай А нь иргэн Б-ийн автомашинаас “note-8” загварын гар утас хулгайлсан болох нь тогтоогдсон байна.

Тэрбээр мөрдөн байцаалтын үед “Идэх хоолгүй байсан тул хүүтэйгээ цуг гадуур гарсан. Бид хоёр явж байгаад танихгүй машин байхаар нь хаалгыг нь татаж үзэхэд онгорхой байсан. Машинаас нь гар утсыг нь хулгайлсан” гэжээ.

Шүүхээс түүнийг гэм буруутайд тооцож, найман сарын тэнсэн харгалзах ял оноожээ.