Дорнод аймгийн Дашбалбар сумын харьяат, ОБЕГ-ын “Аврагч” биеийн тамир, техник-спортын хороо, “Степ голд” ХХК-ийн бөх, Монгол Улсын заан Доржийн Анарын хүндэтгэлийн барилдаан Дорнод аймагт эхэллээ.

          Тус барилдааныг Дорнод аймгийн Биеийн тамир спортын хороо зохион байгуулж байгаа бөгөөд улс, аймгийн цолтой 64 бөх зодоглолоо. Барилдаан 13:00 цагт буюу дөнгөж сая Дорнод аймгийн Бөхийн өргөөнд эхэлжээ. Мялаалга барилдааны түрүү бөхөд таван сая, үзүүрлэсэн бөхөд гурван сая төгрөг олгох юм. Мөн их шөвөгт шалгарсан нь бөхчүүдийг тус бүр нэг сая төгрөгөөр урамшуулна.