Хүүгийнхээ гарыг гэмтээж, эмнэлэг орохоор сандарч явсан эмэгтэйд автобусны жолооч тусалжээ. Тодруулбал, өнгөрсөн арванхоёрдугаар сарын 30-ны 10:00 цагийн үед өлгийтэй хүүхдийнхээ гарыг хүнд гэмтээсэн эмэгтэй тусламж хүсэж, автобусанд орж иржээ. Жолооч эмэгтэйгээс юу болсон талаар лавлахад “Хүүхдийн хуруу тасарчихлаа. Хурдан хугацаанд эмнэлэгт очмоор байна” гээд уйлжээ. Автобусны жолооч авхаалж самбаа гаргаж, хажуу эгнээнд явж байсан автомашины жолоочоос эх, хүүхдийг Гэмтлийн эмнэлэгт хүргэж өгөхийг гуйсан байна. Эх, хүүхдийг автомашинаар тээвэрлэж, цаг алдалгүй эмнэлэгт хүргэж, анхан шатны тусламж үзүүлжээ.